Presidenti Bajram Begaj ka dekretuar lirimin nga detyra të zonjës Besiana Kadare, e cila mbante postin e Ambasadores së Jashtëzakonshme dhe Fuqiplotë të Republikës së Shqipërisë pranë Organizatës së Kombeve të Bashkuara për Edukimin, Shkencën dhe Kulturën (UNESCO).

Besiana Kadare u emërua në këtë post në tetor të vitit 2021 nga Presidenti i atëhershëm Ilir Meta. Para kësaj detyre, ajo ka shërbyer për disa vite si Ambasadore e Shqipërisë në OKB.

D E K R E T

PËR LIRIM AMBASADORI NGA DETYRA

Në mbështetje të nenit 92, shkronja “dh”, nenit 93 të Kushtetutës, si dhe nenit 26, pika 2 të ligjit nr. 23/2015, “Për shërbimin e jashtëm të Republikës së Shqipërisë”, me propozim të Kryeministrit,

D E K R E T O J:

Neni 1

Zonja Besiana Kadare lirohet nga detyra e Ambasadorit të Jashtëzakonshëm dhe Fuqiplotë të Republikës së Shqipërisë pranë Organizatës së Kombeve të Bashkuara për Edukimin, Shkencën dhe Kulturën (UNESCO), rezident.

Neni 2

Ky dekret hyn në fuqi menjëherë.

/rtsh.al/